കഥയല്ല കഥകളി, ജീവിതമാണ്

അഖില്‍ സുരേന്ദ്രന്‍ അഞ്ചല്‍

കഥയല്ല കഥകളി ജീവിതമാണ് ഓരോ കലാ ക്കാരന്റെയും പച്ചയായ ജീവിതമാണ്. സഞ്ചാരിയുടെ യാത്ര ലോകത്തിലെ തന്നെ ശ്രേഷ്ഠ കലകളില്‍ ഒന്നായ കഥകളി കാണാനായിരുന്നു . അതെ കഥയല്ല കഥകളി ഓരോ കലാക്കാരന്റെയും പച്ചയായ ജീവിതമാണ്. യാത്രകള്‍ക്കും , അറിവിനും അവസാനമില്ല

കലയെയും , കലാക്കാരന്‍മാരെയും മറക്കരുത് .ഏറെ നാളത്തെ ആഗ്രഹമായിരുന്നു കഥകളി കാണണം എന്നത് അങ്ങനെ ജോലി തിരക്കിന്റെയും , യാത്ര തിരക്കുകളും മാറ്റി വെച്ച് കഥകളി കാണാനായി സ്വന്തം നാട്ടിലേക്ക് ശ്രീ മഹാദേവ ക്ഷേത്രത്തിലേക്ക് മഹാദേവന്റെ മണ്ണിലേക്ക് യാത്ര തിരിച്ചു . നേരത്തെ ഈ മോഹം അമ്മാവനോട് സൂചിപ്പിച്ചിരുന്നതിനാല്‍ അദേഹം ഫോണില്‍ വിളിച്ച് പറഞ്ഞു കഥകളി ഫെബ്രുവരി 22 വെള്ളിയാഴ്ച ഉണ്ടെന്ന് . ഏകദേശം രാത്രി ഒന്‍മ്പത് മണിയോടെ അഗസ്ത്യക്കോട് ശ്രീ മഹാദേവ ക്ഷേത്രത്തില്‍ സോളോ സഞ്ചാരി എത്തി ചേര്‍ന്നു. ശ്രീ മഹാദേവനെ തൊഴുതിന് ശേഷം നേരെ കഥകളി തട്ടകത്തിലേക്ക് എല്ലാ കലാകാരന്‍മാരും തിരിക്കിലാണ് കാരണം പത്ത് മണിക്ക് ആട്ടം തുടങ്ങുന്നത് . മുഖഛായ കൂട്ടുകളില്‍ അകപ്പെട്ടു പോയ ഓരോ കലാകാരന്‍മാരും , പിന്നീട് പരിജയം പുതുക്കല്‍ ആ ബഹളത്തിനിടയില്‍ ഒരു വിധം നടത്തി .കഥകളി വേഷത്തിലുള്ള കൃഷ്ണനേയും , ദുര്യോധനെയും നേരില്‍ കണ്ടതില്‍ എനിക്ക് അതിലേറെ മനസ്സിന് സന്തോഷവും , കഥ , ദുര്യോധനവധം ആണ് .

കഥയും ആട്ടവും ഇനി സദസ്സില്‍ . ആ സമയം പ്രേക്ഷകരെ നമ്മുക്ക് അല്പം കഥകളിയുടെ ചരിത്രത്തിലേക്ക് എത്തി നോക്കിയെച്ചും വരാം ……. കേരളത്തിന്റെ തനതായ ദൃശ്യ കലാരൂപമാണ് കഥകളി. രാമനാട്ടം എന്ന കല പരിഷ്‌കരിച്ചാണ് കഥകളി ഉണ്ടായത്. കഥകളിയിലെ വേഷങ്ങള്‍ പ്രധാനമായും പച്ച, കത്തി, കരി, താടി, മിനുക്ക് എന്നിവയാണ്.ശാസ്ത്രക്കളി, ചാക്യാര്‍കൂത്ത്, കൂടിയാട്ടം, കൃഷ്ണനാട്ടം, അഷ്ടപദിയാട്ടം, ദാസിയാട്ടം, തെരുക്കൂത്ത്, തെയ്യം, തിറയാട്ടം, പടയണി തുടങ്ങിയ ക്ലാസ്സിക്കല്‍ നാടന്‍ കലാരൂപങ്ങളുടെ അംശങ്ങള്‍ കഥകളിയില്‍ ദൃശ്യമാണ്. 17, 18 നൂറ്റാണ്ടുകളിലായി വികസിതമായ ഈ കലാരൂപം വരേണ്യ വിഭാഗങ്ങള്‍ക്കിടയില്‍ മാത്രം ഒതുങ്ങി നിന്നിരുന്നുവെങ്കിലും ഇരുപതാം നൂറ്റാണ്ടില്‍ മഹാകവി വള്ളത്തോള്‍ അടക്കമുള്ള ഉത്പതിഷ്ണുക്കളുടെ ശ്രമഫലമായി ഇന്ന് ലോക പ്രസിദ്ധി കൈവരിച്ചിരിക്കുന്നു. ദീര്‍ഘ കാലത്തെ പരിശീലനം ആവശ്യമുള്ള ഒരു ശാസ്ത്രീയ കലാരൂപമാണ് കഥകളി. അനുഷ്ഠാനകലകളിലെ പല അംശങ്ങളും സമന്വയിപ്പിച്ച് കൊട്ടാരക്കരത്തമ്പുരാന്‍ തുടങ്ങിവച്ച രാമനാട്ടമാണ് കഥകളിയായി പരിണമിച്ചതെന്നാണ് ഗവേഷകര്‍ പറയുന്നത്.

കഥകളിയിലെ കഥാപാത്രങ്ങള്‍ സംസാരിക്കാറില്ല. പശ്ചാത്തലത്തിലെ പാട്ടുകള്‍ക്കനുസരിച്ച് അഭിനയിക്കുന്നു. അതുകൊണ്ട് തന്നെ കഥകളി സംഗീതത്തിലെ സാഹിത്യത്തിനു വലിയ പ്രാധാന്യമുണ്ട്. ആട്ടക്കഥാ സാഹിത്യമെന്നാണതിനു പറയുന്നത്. ചെണ്ട, മദ്ദളം, ചേങ്ങില,ഇലത്താളം തുടങ്ങിയവയാണ് കഥകളിക്ക് ഉപയോഗിക്കുന്ന വാദ്യങ്ങള്‍. മറ്റു ഭാരതീയ നൃത്ത രൂപങ്ങള്‍ക്കെന്ന പോലെ തന്നെ കഥകളിയുടെയും അടിസ്ഥാനം ഭരത മുനിയുടെ നാട്യ ശാസ്ത്രമാണ്. പക്ഷെ കഥകളിയില്‍ ഉപയോഗിക്കുന്ന ഹസ്ത മുദ്രകള്‍ക്ക് അടിസ്ഥാനം ഹസ്ത ലക്ഷണ ദീപിക എന്ന പുരാതന ഗ്രന്ഥമാണ്.കഥകളിക്ക് അനേകം ചടങ്ങുകളുണ്ട്. കേളി, അരങ്ങുകേളി, തോടയം, വന്ദനശ്ലോകം, പുറപ്പാട്, മേളപ്പദം, കഥാഭിനയം, ധനാശി എന്നിവയാണ് അവ.

ഒരു കഥ പൂര്‍ണ്ണ രൂപത്തില്‍ അവതരിപ്പിക്കുവാന്‍ 6 മുതല്‍ 8 മണിക്കൂര്‍ വരെ വേണ്ടി വരും. എടുത്തു പറയേണ്ട മറ്റൊരു പ്രത്യേകത കഥകളിയുടെ വേഷവിധാനങ്ങളാണ്. കഥാപാത്രങ്ങളുടെ സ്വഭാവം അനുസരിച്ചാണ് മുഖത്തെഴുത്തും, വേഷവും ചിട്ടപ്പെടുത്തിയിരിക്കുന്നത്. ഒരു പുരുഷ കഥാപാത്രത്തിന്റെ മുഖത്തെഴുത്ത് പൂര്‍ത്തിയാക്കാന്‍ 3 മണിക്കൂര്‍ മുതല്‍ 5 മണിക്കൂര്‍ വരെ സമയം വേണ്ടി വരും.

കുറഞ്ഞത് നാലഞ്ചു വര്‍ഷത്തെയെങ്കിലും പരിശീലനം ആവശ്യമുള്ള കലാരൂപമാണ് കഥകളി. ഇരുപതാം നൂറ്റാണ്ടിന്റെ തുടക്കത്തില്‍ നാശോന്മുഖമായിരുന്ന ഈ കലാരൂപത്തിന്റെ തിരിച്ചു വരവിനു കാരണം കലാമണ്ഡലത്തിന്റെ രൂപീകരണമാണ്. മഹാകവി വള്ളത്തോള്‍ നാരായണ മേനോനും മണക്കുളം മുകുന്ദ രാജയും ആണതിന് വേണ്ടി പ്രയത്‌നിച്ചത്.ഹിന്ദു പുരാണങ്ങളില്‍ നിന്നും ഇതിഹാസങ്ങളില്‍ നിന്നുമാണ് ആട്ടക്കഥാ സാഹിത്യ രചനയ്ക്കുള്ള കഥകള്‍ തെരഞ്ഞെടുക്കുക. കോട്ടയത്തു തമ്പുരാന്‍, ഉണ്ണായി വാരിയര്‍, ഇരയിമ്മന്‍ തമ്പി, വയസ്‌കര മൂസ് തുടങ്ങിയവര്‍ ആണ് പ്രമുഖ ആട്ടക്കഥാ രചയിതാക്കള്‍. കല്യാണ സൗഗന്ധികം, നളചരിതം, ബാലി വധം, ഉത്തരാ സ്വയംവരം, സന്താന ഗോപാലം ഇവയൊക്കെയാണ് പ്രധാന ആട്ടക്കഥകള്‍. സദസ്സില്‍ ദുര്യോധന വധം ആട്ടം ഭംഗിയായി നിറവേറുമ്പോള്‍ ഞാന്‍ കഥ അറിഞ്ഞ് ആട്ടം കാണുകയാണ് . കലയെ മറക്കരുത് കലാക്കാരന്‍മാരെയും . ചിത്രങ്ങളും , വിഡീയോകളും ചുവടെ ചേര്‍ക്കുന്നു .